Лесно му е на Антонио Конте кога го има тандемот Кејн – Сон. Имено вечерва во меч од 36.коло во Премиерлигата, Тотенхем во лондонското дерби, успеа со 3:0 да го совлада Арсенал и со тоа да докаже дека и тоа како има намера да се пласира на оние места на табелата кои водат во Лигата на Шампионите.
Домашниот состав преку Кејн од пенал во 22.минута поведе со 1:0. Десет минути подоцна Холдинг доби втор жолт картон и Арсенал остана со играч помалку со што работата и тоа како му беше олеснета на Тотенхем.
Кејн во 37.минута стрелаше за 2:0, па со тој резултат се замина на пауза.
Само што започна вториот дел, Сон зголеми на 3:0, резултат кој се покажа како конечен на ова дерби.
