И официјално Шкупи е новиот првак на Македонија. Имено по завршување на дербито со А. Пандев, следуваше официјална церемонија на која претседателот на ФФМ, Муамед Сејдини им го предаде шампионскиот пехар на фудбалерите на Шкупи.
Секако дека на Чаир цело попладне атмосферата беше шампионска, а истата кулминираше откако беше доделен и трофејот на новиот првак.
Се разбира потоа следуваше голема прослава на момците на стратегот Гоце Седлоски, кои заедно со трофејот и тоа како имаа зошто да се радуваат заедно со своите фанови кои го преплавија теренот на стадионот на Чаир уште еднаш покажувајќи колку им значи овој успех.
Апсолутно заслужено, Шкупи е најдобриот тим во сезоната 2021/22 во нашата елитна фудбалска лига.
