Леброн Џејмс, еден од најдобрите кошаркари во историјата, оваа сезона му беше очајна. Имено неговиот тим ЛА Лејкерс не успеа да се пласира во плеј – офот во НБА, и поради фактот што тој долго имаше проблеми со повредите.
Токму затоа Леброн сега има повеќе слободено време, а тој го користи да комуницира со своите фанови преку Твитер.
Па така на едно прашање за тоа кој во моментов му омилен играч, Леброн без многу размислување кажа дека тоа е Лука Дончиќ, кој со својот Далас веќе обезбеди финале на Западот.
Кажа и дека омилени филмови му се Кум и Гладијатор, а дека ако веќе мора да игра „два на два“ против Мајкл Џордан и Скоти Пипен, тогаш за партнер би го одбрал Коби Брајант.
Се разбира дека тоа е невозможно, но Леброн сакаше да покаже колку го почитува Коби кој веќе не е со нас.
