Познати се судиите за финалето на Купот на Македонија, како и за двата бараж дуели за пласман во ПМФЛ.
Па така на 29.финале на Купот на Македонија, кое се игра в петок на Арената“Тодор Проески“ во Скопје, а во кое се среќаваат Македонија ЃП и Силекс, главен судија ќе биде Александар Грујоски од Кичево. Него ќе му помагаат Куштрим Лика и Зоран Јанкуловски исто од Кичево, додека четврти ќе биде Марјан Ецкоски од Охрид.
На бараж мечот меѓу Тиквеш и Воска Спорт за пласман во ПМФЛ а кој се игра во Струмица во недела, судија ќе биде Александар Ставрев од Скопје. Додека на другиот бараж, кој се игра во Штип, исто во недела, а се среќаваат Скопје и Беласица, на “центарот“ ќе биде Стојанче Трпчевски од Кавадарци.
