Фудбалскиот навивач на Нотингем Форест е осуден на 24 недели затвор откако го нападна Били Шарп од Шефилд Јунајтед веднаш по натпреварот во плеј-офот во Чемпионшип лигата.
Станува збор за Роберт Бигс кој има 30 години и работи како електроинженер. Тој влегол на теренот по мечот во вторникот вечерта на стадионот „Сити Граунд“ и во близина на голот го удрил напаѓачот на гостите.
Бигс ја дозна пресудата пред судот во Нотингем, каде што се изјасни за виновен за кривично дело опишано од обвинителите како „намерно и бесмислено насилство“.
Роберт Бигс, кој има сезонски билет, нема да може да присуствува на натпреварите на Нотингем до крајот на животот.
