Без голови по првите 45.минути на 29.Куп финале меѓу Македонија ЃП и Силекс. Премногу тактика, многу борба и без голови, тоа е накусо она што се случуваше во првиот дел.
Македонија ЃП поагресвно го почна мечот, првата закана ја испрати Стојкоски, но како што одминуваше времето дефанзивниот Силекс ги амортизираше акциите на „лавовите“.
Матеус во 22.минута се најде во казнетиот простор на кратовци, но тука немаше пенал. На спротивната страна Каланоски имаше шанса, шутираше, но голманот на “лавовите“ беше на своето место. Во 42.минута Каланоски се закани со шут со глава, но топката отиде над голот.
И тоа беше тоа во првиот дел на ова финале кое го следат околу 3.000 гледачи на Арената “Тодор Проески“ во Скопје.
