Вечерва на Националната Арена “Тодор Проески“ во Скопје од 18 часот, ќе се одигра 29.финале во Купот на Македонија. Се среќаваат екипите на Македонија ЃП и Силекс. И двете во минатото го освојувале пехарот, и двете имаат учествувано на финалните натпревари, имаат искуство како да дојдат до пехарот.
Кога сме кај историјатот да споменеме дека се започна во таа, сега веќе далечна, 1993 година, кога Вардар успеа да го победи Пелистер со 1:0 во првото финале. Потоа се одиграа уште 27 финални мечеви. Да потсетиме дека во 2020 година не се играше поради Ковид-19, и затоа ова е 29.финале иако имавме 30 сезони. На сите тие завршни натпревари, имаше од се помалку, и голови, пресврти, пенали, често се играше и по дожд. Имаше што да се види, спектаклот и неизвесноста не изостануваа, па ова е финале на Купот на Македонија.
Меч кој се чека цела година, голема работа е да се освои пехарот.
Вардар иако веќе 15 години нема настап во финалето, со 5 трофеи, сеуште е најуспешен наш тим. Следува Работнички со четири пехари, додека по три имаат Слога Ј и Силекс, кратовци инаку се и актуелни бранители на пехарот откако лани славеа против А. Пандев. Македонија ЃП ќе атакува на својата втора титула, првата беше освоена во 2006 година по триумфот над Шкендија.
СИТЕ ДОСЕГАШНИ ФИНАЛИЊА
1993 – СКОПЈЕ: ВАРДАР – ПЕЛИСТЕР 1:0
1994 – СКОПЈЕ: СИЛЕКС – ПЕЛИСТЕР 1:1 (3:1 П)
1995 – СКОПЈЕ: ВАРДАР – СИЛЕКС 2:1
1996 – СКОПЈЕ: СЛОГА Ј – ВАРДАР 0:0 (5:3 П)
1997 – КАВАДАРЦИ: СИЛЕКС – СЛОГА Ј 4:1
1998 – СКОПЈЕ: ВАРДАР – СЛОГА Ј 2:0
1999 – СКОПЈЕ: ВАРДАР – СЛОГА Ј 2:0
2000 – ПРИЛЕП: СЛОГА Ј – ПОБЕДА 6:0
2001 – СКОПЈЕ: ПЕЛИСТЕР – СЛОГА Ј 1:0
2002 – СТРУМИЦА: ПОБЕДА – ЦЕМЕНТАРНИЦА 3:1
2003 – СКОПЈЕ: ЦЕМЕНТАРНИЦА – СЛОГА Ј 4:4 (3:2 П)
2004 – СКОПЈЕ: СЛОГА Ј – НАПРЕДОК 1:0
2005 – СКОПЈЕ: БАШКИМИ – МАЏАРИ 2:1
2006 – СКОПЈЕ: МАКЕДОНИЈА ЃП – ШКЕНДИЈА 3:2
2007 – СКОПЈЕ: ВАРДАР – ПОБЕДА 2:1
2008 – СКОПЈЕ: РАБОТНИЧКИ – МИЛАНО 2:0
2009 – СКОПЈЕ: РАБОТНИЧКИ – МАКЕДОНИЈА ЃП 1:1 (6:5 П)
2010 – СКОПЈЕ: ТЕТЕКС – РАБОТНИЧКИ 3:2
2011 – ПРИЛЕП: МЕТАЛУРГ – ТЕТЕКС 2:0
2012 – ШТИП: РЕНОВА – РАБОТНИЧКИ 3:1
2013 – СКОПЈЕ: ТЕТЕКС – ШКЕНДИЈА 1:1 (6:5 П)
2014 – СКОПЈЕ: РАБОТНИЧКИ – МЕТАЛУРГ 2:0
2015 – СКОПЈЕ: РАБОТНИЧКИ – ТЕТЕКС 2:1
2016 – СКОПЈЕ: ШКЕНДИЈА – РАБОТНИЧКИ 2:0
2017 – СТРУМИЦА: ПЕЛИСТЕР – ШКЕНДИЈА 0:0 (4:3 П)
2018 – СТРУМИЦА: ШКЕНДИЈА – ПЕЛИСТЕР 3:0
2019 – СКОПЈЕ: А.ПАНДЕВ – МАКЕДОНИЈА ЃП 2:2 (4:2 П)
2020 – НЕ СЕ ОДИГРА
2021 – СКОПЈЕ: СИЛЕКС – А.ПАНДЕВ 0:0 (4:3 П)
2022 – СКОПЈЕ: МАКЕДОНИЈА ЃП – СИЛЕКС???
СИТЕ ОСВОЈУВАЧИ
5 ВАРДАР
4 РАБОТНИЧКИ
3 СЛОГА Ј
3 СИЛЕКС
2 ТЕТЕКС
ПЕЛИСТЕР
ШКЕНДИЈА
1 ПОБЕДА
ЦЕМЕНТАРНИЦА
БАШКИМИ
МАКЕДОНИЈА ЃП
РЕНОВА
МЕТАЛУРГ
А.ПАНДЕВ
