Во последниот меч сезонава за екипата на Ријека, фантастична асистенција на нашиот репрезентативен стопер, Дарко Велковски. Ријека на домашен терен го совлада Хрватски Драговољац со 1-0 (1-0), а стрелец на единствениот гол беше Хорхе Обрегон во 2. минута од натпреварот.
Велковски упати одлична длабинска топка кон својот напаѓач, а Обрегон со удар од 15 метри го совлада Мариќ. Мечот немаше резултатско значење, бидејќи и претходно беше јасно дека Ријека сезоната ќе ја заврши на четвртото место.
