Кошаркарите на Анадолу Ефес го одбранија трофејот во Евролигата откако во „Штарк арената“ во Белград вечерва го совладаа Реал Мадрид со 58:57.
Како што доликува на едно финале, слично и на полуфиналните дуели, неизвесноста беше проследена до последната секунда на мечот. Двата тима дадоа се од себе да ја освојат европската круна, но на крајот избраниците на Ергин Атаман беа подобри и вторпат едноподруго доаѓаат до европската круна.
.@tibor_pleiss went HARD 😤 #F4GLORY I #7DAYSMagicMoment pic.twitter.com/4n35fIhbEM
— Turkish Airlines EuroLeague (@EuroLeague) May 21, 2022
Шејн Ларкин беше расположен и во финалниот меч, а истото може да се каже и за Мициќ, кои беа предводници во новиот успех на турскиот гигант. Исклучително интересен беше последниот период, каде Ефес беше тој што одигра во подобар ритам. Мициќ погоди луда тројка над Валтер Тавареш, меѓу моментите за одбележување, но исто така и Тибор Плајс имаше свои минути во завршницата кои пресудија во полза на Турците.
Мициќ средбата ја заврши со 23 поени, додека Плајс постигна 19. Кај Реал Тавареш имаше 14, додека Љуљ постигна 9.