По цели три сезони минати во дресот на Удинезе, Илија Несторовски вечерва го одигра својот последен меч за тимот ид Удине. Тој се збогува со Удинезе и тоа со стил. На гостувањето кај Салернитана нашиот интернационалец заедно со својот тим победија со 0:4. А во преден план беше Македонецот. И не само поради прекрасниот гол во 34.минута за 0:2, и не само поради асистенцијата за 0:4 во 57.минута, секако и поништениот гол поради наводен офсајд во 71.минута, туку и поради целиот настап и впечаток кој што го остави Македонецот.
Постигна гол за Удинезе по цели 15 месеци, и тоа на последниот свој меч.
Сега е време за нови предизвици за Илија Несторовски, за еден од нашите најдобри фудбалери во последната деценија.
И покрај овој пораз Салернитана остана во Серија А, и тоа поради фактот дека Каљари како гостин одигра само 0:0 кај Венеција.
Па така од Серија испаднаа Каљари, Џенова и Венеција, додека Салернитана се спаси.
