Марселино Гарсија Торал денеска ја објави својата одлука да го заврши својот престој на кормилото на шпанскиот прволигаш Атлетик Билбао. Тој и онака го завршува договорот со баскијците на 30 јуни, па како што најави на прес-конференција, нема намера да ја продолжи соработката.
Одлуката на Марселино ја слушнаа и членовите на Управниот одбор, предводен од Аитор Елизеги, Хозе Анхел Ирибар, спортскиот директор, Рафа Алкорта, како и капитенот на првиот тим, Икер Муниаин.
Марселино беше на чело на Атлетик од јануари 2021 година и му помогна на тимот да го освои Суперкупот на Шпанија.
