Кунде кој има 23. години е прв пик за засилување на дефанзивата. Уште во јануари Челзи направи сериозен обид да го привлече Французинот, но тогаш Севиља не се откажа од него и одби да го пушти играчот за помалку од откупната клаузула која стои во договорт, а која е вредна 68 милиони фунти. Најверојатно сега шпанскиот клуб повторно ќе инсистира на истото, но Челзи нема да се двоуми да ја плати сумата. Според медиумите на Островот, и самиот Кунде сака да се пресели во Челзи, што му дава мир на англискиот клуб во однос на конкуренцијата за дефанзивецот.
Дејли Меил ги додава имињата на уште тројца дефанзивци за кои Челзи е заинтересиран. Станува збор за Јошко Гвардиол од Ред Бул Лајпциг , Пау Торес од Виљареал и Весли Фофана од Лестер . Според јавноста на Островот, Тухел сигурно ќе доведе двајца централни дефанзивци, а доколку заминат и Цезар Аспиликуета и Маркос Алонсо , како што се шпекулира, последната линија на Челзи следната сезона ќе излгеда комплетно поинаку одколку досега.
