Филипо Пипо Инзаги се врати на кормилото на Бреша, само три месеци откако беше отпуштен од клубот.
„Бев вратен на работа и среќен сум“, изјави 48-годишниот Инзаги за локалните медиуми.
Поранешниот италијански репрезентативец имаше клаузула во договорот што не дозволуваше да добие отказ, доколку обезбеди место во првата половина на табелата во Серија Б.
Бреша заврши на петтото место и на крајот беше елиминирана во полуфиналето од плеј-офот, со што пропушти настап во Серија А.
