Возачот на Ферари Шарл Леклер беше најбрз во квалификациите и ќе стартува од пол позицијата на трката во Формула 1 за Големата награда на Монако.
Леклер до пол позицијата стигна со резултат 1:11,376 минути, односно 0,225 секунди побрз од клупскиот колега Карлос Сајнц кој исто така трката ќе ја почне од првиот ред.
Третото и четвртото место го освоија двоецот на Ред Бул Серхио Перес и Макс Верстапен.
Петти од пол позицијата ќе стартува возачот на Мекларен Ландо Норис. Натаму следуваат Џорџ Расел, Фернандо Алонсо, Луис Хамилтон, Себастијан Фетел и Естебан Окон.
