Искусниот стратег Анте Чачиќ и натаму ќе биде тренер на екипата на Динамо. Човекот кој ја доврши тукушто завршената сезона со титула за „Модрите“ доби продолжување на договорот на една година со можност и за нова соработка.
Со тоа Динамо ги разрешува сите дилеми околу иднината, и може слободно шампионот на Хрватска, на чело со нашите Аријан Адеми и Стефан Ристовски да се сконцентрира на предизвиците кои следуваат.
Динамо секако дека атакува на влез во групната фаза од Лигата на Шампионите, нешто што е редовна појава на Максимир изминатите сезони, а ете клубот смета дека токму Чачиќ е човекот кој може тоа да го испорача.
