Менаџерот на Ливерпул, Јирген Клоп, на разочараните навивачи на „црвените“ им порача дека има силно чувство дека и следната сезона англискиот великан ќе игра во финалето на ЛШ.
„Момците пробаа сè, особено при негатива од 1-0, а потоа игравме како што сакавме да играме претходно. Чувството е поинакво. Не е лошо да се стигне до финалето. Тоа е еден вид успех. Но не е успех што сакате да го имате. Имам силно чувство дека ќе дојдеме повторно во финалето. Момците се навистина конкурентни. Тие се извонредна група. Ќе имаме одличен тим и следната сезона. Каде се игра финалето следната сезона? Истанбул? Тогаш, да си резервираме хотел“, порача германскиот стратег.
