Попладнево нашите најдобри фудбалери, оние што се повикани за дуелите во Лигата на Нации, а пред се за мечот со Бугарија на 2 јуни во Разград, одработија уште еден тренинг заедно со селекторот Благоја Милевски.
Тој имаше што да им каже, пред се на Елмас, Барди, Николов… на оние од кои очекува најмногу.
И покрај многуте проблеми со изостанувањето на повеќе клучни играчи, сепак атмосферата во нашиот репрезентативен табор е одлична, максимално се извршуваат задачите на селекторот. Сето тоа дава надеж дека Македонија ќе може да дојде до победа на стартот против Бугарија и тоа на нејзин терен.
