Тимот на Силекс се врати во ПМФЛ конкуренцијата за следната сезона, и како таков летово ќе има полни раце работа да се засили што поадекватно. Управата на клубот сериозно работи на таа тема, и веќе може да се пофали и со првиот новитет.
Се работи за дефанзивецот Андреј Ричков, кој пристигнува во Кратово од Пелистер каде што настапуваше изминатата сезона.
Претходно беше дел и од екипите на Осогово, Саса, Борец, Беласица, а ја мина младиската школа на Вардар.
