Екс македонскиот младински репрезенативец и досегашен член на тимот на Брегалница, Кристијан Ацковски е нов член на актуелниот шампион, тимот на Шкупи. Ацковски пристигнува како засилување за претстојните евро настапи, односно квалификациите за Лигата на Шампионите, што секако дека е приоритет за Шкупи во моментов. Дури потоа ќе се размислува за предизвиците кои ќе ги носи новата ПМФЛ сезона.
Ацковски е дете на Работнички, беше дел и од тимот на Борец, пред да замине за Штип и да одигра и повеќе од добро во тимот на Брегалница.
Од друга страна, од Шкупи дефинитивно заминува Ѓорги Стоилов, кој како што дознава Спортмедиа, посакува летово да направи интернационален трансфер.
