Откако пред една недела потпиша со десниот бек Нусаир Мазрауи, германскиот првак Баерн би можел многу скоро да го претстави следниот трансфер за новата сезона. Станува збор за уште еден фудбалер на Ајакс, Рајан Гравенберх (20), кој според пишувањето на „Телеграф“, денеска ќе ги заврши медицинските прегледи во Баерн Минхен.
Гравенберх потоа треба да потпише договор до 2027 година, кој би требало да му донесе десет милиони евра бруто годишно. Според „Билд“, Баерн плаќа основна такса од 18,5 милиони евра, а дополнителни 5,5 милиони се поврзани со бонуси поврзани со перформансите. Ајакс обезбедува и 7,5% од следниот трансфер на младиот дефанзивец.
