Полноќен спектакл во градот на светлината. Тениски дуел за спортските гурмани кои ќе донесе нов шампион на Ролан Гарос.
Рафаел Надал по четири часа и 12 минути борба успеа да го елиминира Новак Ѓоковиќ со 3-1 во сетови (6-2, 4-6, 6-2, 7-6). Освен тоа Рафа со оваа победа ја намали и предноста на Ѓоковиќ во меѓусебните дуели 30-29.
Ѓоковиќ имаше слаб настап на почетокот, се врати во вториот сет, но потоа повторно следуваше пад, а во четвртиот сет кој влезе во тај-брејкот не успеа да се извлече. Таму Надал лесно и убедливо славеше. Така минатогодишниот париски шампион ја изгуби круната од Надал кој ќе ја брка 22. Грен слем титула и ќе проба да му побегне на Новак на два трофеја.
Во полуфиналето Надал ќе игра против Александар Зверев.
