Македонскиот фудбалски репрезентативец Валон Етеми вечерва избори промоција во турската фудбалска елита. Неговиот тим Истанбулспор во баражот за влез во Суперлигата славеше со 2:1 над екипата на Бандирмаспор на теренот во Кочаели.
Етеми одигра 72. минути во стартните 11 за Истанбулспор, пред да биде заменет, а добриот настап на нашиот репрезентативец продуцираше и асистенција за водечкиот погодок на неговиот тим.
Инаку, Етеми утре и се приклучува на нашата репрезентација пред следните 3 средби во Лигата на нации. Тој ќе ја чека нашата експедиција утре наутро на аеродромот во Малага.