Дефанзивецот на Барселона Жерар Пике и колумбиската пејачка Шакира објавија дека се разделуваат.
„Со жалење потврдуваме дека се разделуваме. Заради благосостојбата на нашите деца, што е наш врвен приоритет, бараме да се почитува нашата приватност. Ви благодариме за разбирањето“, рече пејачката во изјавата објавена од медиумите.
Пике и Шакира се во врска од 2011 година. Двојката има две деца: Милан (9 години) и Саша (6 години).
Во сезоната 2021/2022, шпанскиот дефанзивец настапи на 39 натпревари за Барселона во сите натпреварувања, во кои трипати го погоди противничкиот гол.
