Италија и Германија одиграа 1:1 во првиот меч од новата сезона во Лигата на нациите. Натпреварот се одигра на „Ренато дал’Ара“ во Болоња, а „Аѕурите“ поведоа во 70. минута со голот на Лоренцо Пелегрини, а изедначи Џошуа Кимих три минути подоцна.
Во редовите на „Аѕурите“ имаше дури шест дебитанти.
Едниот е Вилфред Гнотно кој влезе во игра во второто полувреме. Има само 18 години, односно е првиот фудбалер роден во 2003 година кој заиграл за „Аѕурите“ и 72. фудбалер кој заиграл под раководство на Роберто Манчини во 50 натпревари.
Инаку се работи за напаѓач кој е од младинските категории на Интер но не успеал да се пробие во првиот тим, па заминал да ја гради кариерата во ФК Цирих од Швајцарија каде што и сега игра. Тој има потекло од Брегот на Слоновата Коска.
Од првата минута се најде играчот од средниот ред на Сасуоло Давиде Фратези.
Фратези ќе наполни 23 години во септември и веќе има 10 настапи за У21 репрезентацијата на Италија и два гола. Инаку тој е „продукт“ на Рома, но кариерата ја изгради во Сасуоло.
Другите двајца исто така влегоа во второто полувреме. Дефанзивецот на Интер Федерико Демарко и играчите од средниот ред на Торино Томасо Побега и Сандро Ричи и крилото на Верона Матео Канчелери.
