Младите репрезентативци на Малта до 21 година, вчера беа демолирани на гостувањето кај Шпанија со седум гола во нивната мрежа, но оној еден кој го постигнаа вредеше за три. Имено, при резултат 7:0 за Шпанија во 84. минута, 19-годишниот фудбалер на Валета, Андреа Замит постигна гол од скоро половина терен, покажувајќи дека има потенцијални мајстори на фудбалската игра и во овој дел од Европа.
