КРАЈ НА МЕЧОТ. Грузијците одиграа смирено и паметно и ги однесоа бодовите од Скопје. Резултатот 3:0 за нив што е трета победа во групата. Во вториот дел тотално се распаднавме и немавме сили да се заканиме на голот на Грузијците.
87′ – Барди шутира од слободен удар од голема далечина но голманот на Грузија одбрани
83′ – ГОООЛ ЗА ГРУЗИЈА. Уште еден шок за нашата селекција. Китеишвили се најде осамен по нафрлувањето на Квеквешири и го погоди голот
78′ – Елмас се пожали на повреда и не може да го продолжи натпреварот. Нашиот „дијамант“ излезе, а во игра влезе Тодороски
71′ – Давид Бабунски и Миовски влегоа на местото на Спировски и Ристовски
Малку нервоза и кошкање меѓу македонските и грузиските фудбалери
67′ – Грузијците постигнаа и трет гол, но тој беше поништен поради офсајд.
61′ – ГРУЗИЈА ВОДИ 2-0 во Скопје. Кварачвелија со феноменален удар од преку 20 метри ја затресе нашата мрежа.
59′ – Бобан Николов влезе на местото на Трајковски.
51′ – ЛОШО, ЛОШО. Македонија губи 0-1. Циташвили тргна во контра, уфрли пред нашиот гол, а таму Зивзивадзе стигна до топката пред Велкоски и Муслиу и ја смести во голот.
49′ – Среќа за Македонија. Кочолава шутира со глава малку над пречката.
47′ – Слободен удар за Енис Барди од голема далечина. Фудбалерот на Леванте шутна но грузискиот голман одбрани
45′ – КРАЈ НА ПРВОТО ПОЛУВРЕМЕ. Тврд меч, голема борба, Македонија подобра на теренот но без ефект. Грузија се обидува со контранапади да го загрози нашиот гол.
39′ – Шут на Елмас од 16 метри право во рацете на грузискиот голман
31′ – Трајковски му ја намести на Чурлинов топката на шут, фудбалерот на Шалке шутира по земја но грузискиот голман одбрани
30′ – Давидашвили најде дупка во нашата одбрана и шутна од далечина, а Димитриевски успеа да го одбрани
24′ – Македонските фудбалери кружат пред шеснаесетникот на противникот, но никако да најдат простор за шут. Гостите засега ги расчистуваат сите наши обиди.
17′ – Трајковски шутира од далечина, топката минува едно метро покрај голот
10′ – Велковски греши, Кварацелија краде и шутира но Димитриевски брани.
1′ – ПОЧНА МЕЧОТ.
Меч од 3. коло од групата во Лигата на нациите. Македонија одигра 1:1 со Бугарија во Разград, а потоа го совлада Гибралтар со 2:0 во гости. Сега е првиот меч на домашен терен. Грузија доаѓа по триумфот над Гибралтар со 4:0 на свој терен и онаа неверојатна победа над Бугарија со 5:2 во Разград.
