Селекторот на Грузија, Вили Сањол секако дека беше задоволен од резултатот и победата во Скопје.
„По мојата одлука да не менувам многу играчи од дуелот со Бугарија, знаев дека некои играчи може да бидат уморни, но решив да останат тие на теренот. На полувреме знаевме дека треба да промениме само некои мали работи, а играчите одлично тоа го спроведоа на теренот. Среќен сум што победивме 3:0, но ако се види првото полувреме, победа од 3:0 е висок резултат. Многу позадоволен сум од играта во второто полувреме“, рече селекторот на Грузија.
