Александар Трајковски засекогаш ќе биде запишан во аналите на нашата репрезентација како херојот од Палермо. Како човекот кој ја урна Италија среде Палермо со гол во 90+4.минута во бараж – мечот за СП во Катар.
Алекс е еден од рекордерите по бројот на настапи за нашиот А-тим, па така досега тој одигра 78 натпревари и е на два меча до 80-тиот во дресот на Македонија. Моментално е на 4.место на оваа листа и тоа зад Горан Пандев (122), Гоце Седлоски (100), Величе Шумуликоски (84).
Што се однесува до головите Трајковски со 20 погодици за Македонија е втор на листата, веднаш зад Пандев (38 голови).
