Вечерва се одиграа неколку натпревари во Лигата на нациите. Интересно со многу шанси беше во Виена каде Австрија играше со Франција.
Крилниот фудбалер Андреас Вајман стрелаше прецизно во 37. минута на асистенција на Лајмер за водство на Австрија со 1:0. Тоа е прв гол на Лајмер за репрезентацијата од 2012 година кога дебитираше.
Французите се најдоа во проблем, а успеаа само да спасат бод со гол на Мбапе во финишот на мечот. Ѕвездата на ПСЖ влезе во вториот дел и донесе реми за светскиот првак. После голот, Мбапе имаше уште една голема шанса за пресврт но голманот на Австрија Патрик Пенц прво одбрани, а топката заврши во пречката па во неговите раце.
Пенц и во првото полувреме имаше неколку прекрасни одбрани.
Французите по три кола немаат триумф. Изгубија дома од Данска (1:2), а одиграа нерешено со Хрватска во гости (1:1).
Andreas Weimann faz o gol da Áustria.
Áustria 1×0 França pic.twitter.com/H8nbioWQkV
— JOSÉ CARLOS OCTACAMPEAO E BICAMPEÃO DA SUPERCOPA. (@Carlostelles422) June 10, 2022
Kylian Mbappe levels it for France. pic.twitter.com/cyt0BiOFPW
— Prime. (@TrashTalkMVP) June 10, 2022
На другиот меч од оваа група Хрватска ја совлада Данска во Копенхаген со 1:0. Голот вреден три бода го постигна Марко Пашалиќ во 70. минута.
Данска остана прва во групата со 6 бода, Австрија е втора со 4 исто колку и третопласираната Хрватска, а Франција е последна со 2 бода.
Mario Pasalic puts croatia ahead by 1-0 against Denmark
— Lake (@LakeCFC) June 10, 2022
Во другите натпревари Албанија – Израел одиграа 1:2, Азербејџан – Словачка 0:1, Белорусија – Казахстан 1:1, Молдавија – Летонија 2:4, Андора – Лихтенштајн 2:0.
