37-годишниот молдавски судија Думитри Мунтеан ќе биде главен судија на мечот в недела на нашата фудбалска репрезентација и селекцијата на Гибралтар во Скопје. Мунтеан ќе ја дели правдата на дуелот од 4. коло во Лигата на нации во кој нашата репрезентација ќе се обиде да ја оствари и втората победа.
Молдавецот минатата година беше во нашата земја и тоа како главен судија на квалификацискиот дуел меѓу младата репрезентација на Македонија до 21 година и селекцијата на Србија кој се одигра во Охрид (0:0).
Дуелот со Гибралтар се игра в недела од 18 часот на Националната арена.