Поранешниот холандски репрезентативец Весли Снајдер изјави дека имал потенцијал да биде на исто ниво со светските мегаѕвезди Кристијано Роналдо и Лионел Меси, меѓутоа немал желба за такво нешто. Снајдер во криерата играше за Реал Мадрид, Интер и Галатасарај.
„Можев да бидам како нив, меѓутоа немав таква желба. Уживав во животот и можев спокојно да испијам чаша вино на вечера. Лео и Кристијано се различни. Тие жртвуваа многу за успехот. Мислам дека имав убава кариера. Задоволен сум како помина“, изјави сега веќе 38-годишниот Снајдер.
Тој откри зошто го избрал Галатасарај место понудата на Ливерпул.
„Многу луѓе беа изненадени. Но јас сум победник, мојата цел е наградата и затоа отидов во Турција затоа што мислев дека Галатасарај ќе освои повеќе затоа што беше шампион. Направив вистински избор. Имам прекрасни спомени од таму“, вели Холанѓанецот.
