90′ +2′ – КРАЈ НА МЕЧОТ. Убедлива победа на Македонија над Гибралтар.
90’+1′ – Соло продор на Валон Етеми и силен шут, но стативата е сојузник на Гибралтар
89′ – Лијам Вокер шутира од слободен удар, а Шишковски одбрани
78′ – Елмас излегува, влегува Томче Гроздановски
62′ – Доријан Бабунски во игра на местото на двојниот стрелец Миовски
46′ – На стартот на второто полувреме тројна измена во нашиот состав.
Излегоа Алиоски, Барди и Чурлинов, а на теренот се Етеми, Фазлагиќ и Димоски.
45′ – КРАЈ НА ПРВОТО ПОЛУВРЕМЕ. Тотална доминација на македонскиот национален тим. Одлична игра, многу шанси, убедливо водство. Работата е завршена, само да видиме каков ќе биде резултатот на крајот
42′ – Николов шутира од волеј, голманот на Гибралтар ја исфрла во корнер
30′ – МАКЕДОНИЈА ВОДИ СО 4-0: Барди уфрли до Тодоровски, а овој по земја на петерецот каде што Чурлинов ја затресе мрежата.
26′ – Нова шанса за Македонија. Зајков шутира со глава, топката оди над голот.
23′ – Чурлинов шутира од косо, но Банда одбрани
19′ – Чурлинов истрча по левата страна, додаде до Барди на околу 10-тина метри кој шутира меѓутоа Банда одбрани.
15′ – МАКЕДОНИЈА ЗГОЛЕМИ НА 3-0. Николов шутна од далечина но еден фудбалер на Гибралтар изблокира. Сепак, топката ја прифати Миовски на кого не му беше тешко да ја испрати во мрежата
13′ – МАКЕДОНИЈА ВОДИ СО 2-0. Барди нафрли, а Миовски со глава погоди. Тоа е дебитантски гол на напаѓачот во дресот на македонската репрезентација.
6′ – Миовски ја погоди пречката, а во продолжение на акцијата Николов шутира над голот
3′ – ПРЕКРАСНО!!! БАРДИ „ПУКА“ ВО МРЕЖАТА НА ГИБРАЛТАР. Нашиот капитен шутна од слободен удар од преку 20 метри, а топката заврши во стативата и во голот.
На Арената во Скопје, нашите „рисови“ играат со Гибралтар. Селекција која не би требало да ни направи проблеми, но и селекција која исто така не смее во никој случај да се потцени.
Македонските фудбалери треба да возвратат и да покажат дека оној пораз од Грузија бил само лош ден. Шокантниот пораз од 0:3 дека не е одраз на големиот пад на квалитетот и на формата.
Официјално: Составот со кој Милевски ќе оди по убедлива победа!
