Она што ексклузивно го најави „Спортмедиа“ пред три дена, од денеска е и официјално. Бесарт Ибраими, најдобриот стрелец во историјата на ПМФЛ е ново има во Струга Трим Лум. Па така во наредната сезона тие од својата најнова аквизиција очекуваат многу голови.
И не кријат дека се презадоволни од тоа што ете Бесарт се одлучил да ја прифати нивната понуда.
“Секако дека сме многу среќни, презадоволни сме што успеавме да го донесеме најдобриот `бомбардер` што некогаш нашата ПМФЛ го имала. Ибраими е најдобриот, и тој сега ќе ги носи дресот на Струга Трим Лум. Мислам дека заслужува што на таков начин го промовиравме на нашите социјални мрежи. Јас лично сум презадоволен што Ибраими, иако имаше интерес за него од Шкендија, Шкупи, Партизани Тирана и уште неколку клубови, сепак одлучи да дојде кај нас“ изјави Бесарт Исаку, спортскиот директор на Струга Трим Лум по промоцијата на своето најголемо заислување
Самиот Ибраими пак нагласи…
„Се одлучив за Струга ТЛ зошто знам дека ова е сериозен клуб. Им благодарам на сите во клубот на довербата. Јас ветувам дека ќе го дадам својот максимум, ветувам дека ќе има многу голови со кои ќе стигнеме да ги оствариме нашите цели и амбиции“ рече Бесарт Ибраими на промоцијата.
