Поранешната австралиска тенисерка со хрватско потекло Јелена Докиќ по пат на социјалните мрежи открила дека кон крај на април годинава, сакала да скокне од 26-ти кат.
Таа и претходно често зборуваше за проблемите низ кои поминува, а овојпат објавила фотографија на која е со солзи во своите очи, а под неа напиша:
„Малку недостасуваше на 28 април 2022 година да скокнам од балкон од 26-ти кат и да си го одземам животот. Никогаш нема да го заборавам тој ден.
Сè е матно. Сè е темно. Нема тон, нема слика, ништо нема смисла… Само солзи, тага, депресија, анксиозност и болка.
Ми беше исклучително тешко последните шест месеци. Константно плачев секаде. Се криев во тоалет на работа за да ги бришам солзите, за никој да не ме забележи, додека непрекинато плачев дома – стана неподносливо. Чувствата на тага и болка не заминуваа, животот ми беше разорен.
Се обвинувам себеси, мислам дека не бев вредна за љубов и исплашена сум. Исто така знам дека имам уште многу работи поради кои можам да бидам благодарна, а тогаш почнувам да се мразам себеси затоа што се чувствувам како да не сум благодарна, затоа што не можам да бидам доколку сакам сето тоа да го завршам. Таквиот затворен круг е во мојата глава.
Резултат – малку недостасуваше да скокнам од балкон од 26-ти кат на 28 април. Никогаш нема да го заборавам тој ден, само сакав болката и патењето да престанат.
Се извлеков , не ни знам како успеав во тоа. Добивањето стручна помош ми го спаси животот.
Ова не е лесно да го напишам, но секогаш бев отворена и искрена кон сите вас и длабоко верувам дека споделувањето на нашите приказни ќе ни помогне да ги надминеме тие работи и да си помогнеме едни со други. Го пишувам ова затоа што знам дека не сум единствена која се бори. Само знај дека не си сам.
Нема да кажам дека сега одлично ми оди, но дефинитивно сум на патот на закрепнувањето. Некои денови се подобри од другите и понекогаш правам чекор напред, па назад, но се борам и верувам дека можам да поминам низ ова“.
Every single time when someone decides to share their story and encourage others to seek help means a lot. It takes a lot of courage too.
There is never wrong time to seek help. Remember that everyone experiences mental health issues differently.
Thank you Jelena Dokic. pic.twitter.com/x9noGOIiS0
— Daria Abramowicz (@abramowiczd) June 13, 2022
