И официјално Влатко Дробаров од денеска е нов член на Сараево, на еден од најпознатите и најголеми клубови во БиХ. Деновиве се шпекулираше со трансферот на нашиот стопер во “бордо“ тимот од Сараево, но денеска клубот го промовираше својот нов член со напомена дека со него е потпишан едногодишен договор со можност соработката да продолжи.
Дробаров е стопер, има 29 години а досега во својата кариера покрај клубови од Македонија има играно и во Мексико, Кипар, С. Арабија, Индија, Ерменија а во Сараево дојде од Черно Море од Бугарија.
Тој беше избран во идеалниот тим минатата сезона во елитната бугарска лига како фудбалер на Черно Море.