Кошаркарите на Фенербахче ја освоија титулата во турскиот кошаркарски шампионат, откако во финалната серија го совладаа Анадолу Ефес со 3:1. Фенер денеска славеше на гостински терен со 92:80 и го прослави трофејот пред гостинските навивачи на актуелниот европски шампион.
Избраниците на српскиот стретег Александар Ѓорѓевиќ одиграа одлично во најголемиот дел од натпреварот, со мал пад пред крајот на првиот дел и почетокот на вториот кога противникот целосно се врати, но Фенербахче ја одигра маестрално во завршницата и дојде до посакуваниот трофеј.
За Фенербахче ова е јубилејна 10. титула, прва по пауза од 4 години.
