Пол Погба веќе се договорил со Јувентус, па потписот на договорот е само формалност, тврдат авторитетни извори во Италија. Наводно, денеска двете страни ги договорија последните детали од соработката, а трансферот на играчот од средниот ред ќе биде официјално објавен во јули.
Французинот веќе играше за торинскиот клуб од 2012 до 2016 година, по што се пресели во Манчестер Јунајтед. Играчот од средниот ред летово ќе го напушти англискиот клуб како слободен фудбалер.
И покрај најавите дека може да остане во Премиерлигата, Французинот остана истраен на својата желба повторно да заигра во Торино.
