Претседателот на Ла Лига Хавиер Тебас потврди дека поднеле жалба до УЕФА против Пари Сен Жермен и Манчестер Сити за „нарушување на финансискиот ферплеј“. Наведено е продолжувањето на договорот на Килијан Мбапе во ПСЖ, како и трансферот на Ерлинг Халанд во Манчестер Сити и сметаат дека овие два клуба го прекршиле ФФП.
„Поднесена е жалба до УЕФА, но Ла Лига ќе покрене и дополнителни правни мерки. Ќе бидат поднесени тужби во Европската Унија, Франција и Швајцарија. Се обидуваме да преземеме одговорност и да се почитува ФФП и стабилноста на европскиот фудбал“, стои во соопштението.
Тебас остро ја критикуваше одлуката Мбапе да го обнови договорот со ПСЖ за огромна сума на пари, што според него е погрешно бидејќи, како што вели, „клубот во последните години забележал финансиски загуби од повеќе од 700 милиони евра“.
🚨OFICIAL🚨
👉@LaLiga DENUNCIA ante la UEFA al MANCHESTER CITY y al PSG.
💰Quieren defender el ‘fair play’ financiero y emprenderá acciones legales adicionales en la UE, Francia y Suiza. https://t.co/uy59B6tvAR pic.twitter.com/hNN5JQbUCj
— El Chiringuito TV (@elchiringuitotv) June 15, 2022
