Англиската Премиер лига денеска и официјално го одреди распоредот на натпревари за новата сезона која стартува на 5 август.
Честа да го одиграат воведниот меч во новата сезона ќе ја имаат екипите на Кристал Палас и Арсенал. Ден подоцна ќе се одиграат најголемиот дел од мечевите од премиерната руна. Вицешампионот Ливерпул стартува на гости кај повратникот во елитата, Фулам, додека Челзи ќе му биде гостин на Евертон.
Шампионот Манчестер Сити одбраната на титулата ја почнува на 7 август на гости кај Вест Хем, а истиот ден својот прв меч од новата сезона ќе го одигра и Манчестер Ј. кој го пречекува Брајтон.
𝐇𝐄𝐑𝐄 𝐈𝐓 𝐈𝐒! 🍿
The opening weekend of the 2022/23 Premier League season 🙌#PLFixtures pic.twitter.com/X7WrV3AQjr
— Football on BT Sport (@btsportfootball) June 16, 2022
