Утринава стигнаа лоши вести за актуелниот македонски првак. Според специјализираниот интернет портал за ракомет „балканхендбол“, Вардар 1961 може да остане без местото во Лигата на шампиони за сезоната 2022/23.
Причината веќе не е ништо ново. Финансиската ситуација во клубот одново го кочи настапот на „црвено-црните“ . Минатата сезона раководството на ЕХФ бараше од клубот гаранција од еден милион евра за да биде дел од елитата во која има освоено две титули, во 2017 и 2018 година.
Детални информации засега нема, ниту колку пари се дадени тогаш, ништо. Она што е извесно дека поранешниот газда, Сергеј Самсоненко на голем дел од ракометарите им ги вратил долговите.
Ова ќе биде голем удар за македонскиот ракомет, бидејќи Вардар 1961 е единствениот претставник, гордост во европски рамки.
Официјалната одлука се чека на крајот на неделата. Да се надеваме дека првиот човек Михајло Михајловски ќе најде решение за целата ситуација.
