Кјелце имаше шанса да дојде до втората титула во Лигата на шампиони, но по изведување на пенали беше поразен од Барселона.
Трагичар на мечот беше Алекс Душебаев, беше единствен во својот тим кој не реализираше во серијата на изведување на удари од седум метри.
По мечот неговиот татко, кој е тренер на полскиот тим, Талант Душебаев на официјалната прес-конференција по мечот одржа емотивен говор.„Разочарувањето е големо особено кога ќе се загуби на ваков начин натпревар, во кој сте дале се од себе за да победите. Би сакал да му се заблагодарам од срце на Алекс Душебаев за настапите во целата сезона. Тој е најдобар ракометар во светот. Како тренер и како татко морам да кажам: Алекс, ти си најдобар, најдоброто што го имам во животот“, рече Талант Душебајев.
