Унгарецот Кристоф Милак постави нов светски рекорд на трката на 200 метри пеперутка во машка конкуренција на светското првенство во пливање.
22-годишниот Милак исплива со време од 1:50,34 минути за да го собори за 39 стотинки претходниот рекорд што го постави на 24 јули 2019 година во Гвангжу, Јужна Кореја.
Милак финишираше пред францускиот пливач Леон Маршанд и Јапонецот Томору Хонда. Ова беше прв медал за Унгарија на ова првенство, а Милак е првиот пливач што победил на 200 м. пеперутка со нов светски рекорд и тоа пред домашна публика.
