Ватерполо репрезентацијата на Канада се повлече од Светското првенство во Унгарија поради проблеми со коронавирусот.
Канаѓаните имаат пет заразени играчи, а решија да се повлечат поради „здравјето и безбедноста на учесниците“.
„По внимателно разгледување, следејќи го советот на лекарот и разговарајќи со играчите, донесовме тешка одлука да се повлечеме од Светското првенство во Будимпешта. Донесовме одлука да го заштитиме здравјето и безбедноста на сите учесници, што отсекогаш било приоритет. Сега ќе се фокусираме на закрепнувањето и ќе се фокусираме на подготовките за претстојните натпревари“, се вели во соопштението на ватерполо сојузот на Канада.
Канаѓаните се натпреваруваа во групата Ц во Сопрон, а на единствениот меч досега беа поразени од Шпанија со 19:2.
