Женската сениорска одбојкарска репрезентација на Македонија утре ќе го има историското враќање на меѓународната сцена. По пауза од повеќе од една деценија, нашите сениорки утре во 13 часот по македонско време ќе го одиграат првиот меч на Медитеранските Игри во Оран.
Противник на избраничките на селекторот Пауновиќ ќе бидат одбојкарките на Египет. Пауновиќ одбра 12 сениорки за овој репрезентативен натпревар во обид полека да се врати сениорскиот женски тим на меѓународната сцена и за следни натпреварувања.
Македонија на Медитеранските Игри во Оран е во група со Египет, Тунис и Грција и секој одигран сет ќе биде добредојден по долгогодишната пауза од настапи на меѓународната сцена.
