Така тоа се прави во фудбалскиот свет, поточно во фудбалската фабрика наречена Динамо Загреб.
Клубот каде што со успех настапуваат нашите Аријан Адеми и Стефан Ристовски е познат по пребогатите „дилови“ со европските великани и милионите кои ги заработува од продажба на своите талентирани фудбалери,а денеска имаме пример за уште една таква „зделка“. Хрватските медиуми јавуваат дека досегашниот член на Динамо, и капитен на У21 репрезентација на Хрватска, Бартол Фрањиќ ќе стане нов член на тимот на Волфсбург во трансфер вреден шест милиони евра. Динамо барал два повеќе, но ја намалил сумата, за да не му прави проблеми при развојот на овој екстра талентиран играч за врска. Она што е уште поважно е што Фрањиќ и немаше преголема минутажа изминатата сезона каде што едноставно „луташе“ со позициите, од стоперската преку бековската, па се до онаа последен играч за врска.
