Ненад Димитријевиќ и следна сезона ќе го носи дресот на Валенсија. Македонскиот репрезентативец ќе биде единствениот наш претставник во Евролигата, прво искуство во најсилното европско клупско натпреварување за него.
Иако имаше шпекулации дека Димитријевиќ не е во плановите на тренерот Алекс Мумбру, сепак од таборот на шпанскиот тим дојде демант. Нено во Валенсија дојде минатата сезона од Хувентуд, беше најавен како големо засилување.
Поради повреди не можеше да ја одигра комплетно целата сезона, шанса ќе има во новата и тоа во Евролига.
