Ливерпул официјално го продаде јапонскиот напаѓач Такуми Минамино во Монако. Двете страни се договорија уште пред неколку денови, но денеска двата клуба ја објавија зделката. Минамино премина во Монако за 15 милиони евра фиксно плус 3 милиони во форма на бонуси. Договорот е на четири години.
Тоа е речиси двојно повеќе од сумата што Ливерпул ја плати на Салцбург за да го донесе Минамино на Енфилд. Сепак, фудбалерот не можеше да избори првотимски статус покрај големи ѕвезди во нападот како Салах, Мане, Фирмино… па минатата полусезона ја помина како позајмен во Саутемптон.
Го сакаа Лидс, Аталанта, Вулверхемптон но Монако ја имал најдобрата понуда.
