Македонската кошаркарска репрезентација тргна за Шпанија, каде на први јули во Сарагоса ќе ги одмери силите со актуелниот светски првак во рамките на првата квалификациска фаза за пласман на Светското првенство 2023 година. Селекторот, Драган Бајиќ одбра 12 кошаркари, од списокот отпаднаа Николов и Какруки, а шанса ќе добијат младиот Стефанов и Ташевски. Нашите кошаркари од Скопје ќе летаат за Истанбул од каде ќе се упатат до Мадрид. До крајната дестинација Сарагоса ќе патуват уште три часа, па некаде после 20 часот треба да пристигнат во хотел. Предвидени се три тренинзи, два на 30 јули и еден (утрински) на денот на одигрување на мечот со Шпанија, кој е закажан во 19:30 часот во Арената „Павиљон Принц Фелипе“.
