Елиф Елмас, еден од нашите најдобри фудбалери, кој дел од одморот го мина во Скопје, во неговиот роден град, би можел ова лето да го напушти Наполи, да си оди од градот под Везув.
Имено како што пренесуваат медиумите, а посебно оние од Наполи, Елмас не бил задоволен од минутажата која ја добива во еден од најсилните клубови во Италија. Факт е дека со Спалети работата како да тргна, беше и стартер, но факт е дека во последните кола Дијамантот добиваше минорна минутажа на мечевите.
Веројатно му “прекипе“ на нашиот Елиф, па сега тој побарал од Наполи да добие поголема минутажа во следната сезон, еден вид гаранции, во спротивно да си оди, односно да прави трансфер.
Познато е дека пред неколку месеци неговото име се поврзуваше со трансфер во Милан, но сега засега нема ништо од тоа.
