Францускиот вицепрвак Олимпик Марсеј се подготвува за новата сезона во Лига 1 и за настапите во Лигата на шампионите, но се најде во проблем. Иако се засили со неколку фудблери во петокот остана без тренер откако Хорхе Сампаоли шокантно објави дека го напушта клубот. Француските медиуми откриваат дека на неговото место ќе дојде хрватскиот стратег Игор Тудор кој минатата сезона беше на кормилото на Верона.
Неговиот стил на игра и амбициозноста го воодушевил претседателот на клубот Пабло Лонгорија поради што му понудил соработка. Тудор ќе потпише двегодишен договор со поранешниот француски и европски првак.
Тудор претходно работеше во неколку европски клубови како Хајдук, Удинезе, Галатасарај, Карабукспор, ПАОК, а беше и селектор на Хрватска.
